VÆLKOMIN

Vælkomin á heimasíðuna hjá Havnar Fysioterapi.

Vit hava eina viðgerðarstovu í Tórshavn, har vit veita viðgerð fyri mangar kropsligar trupulleikar.

Vit eru eitt toymið av fysioterapeutum, sum seta okkara fakliga førleika og góðskuna í okkara viðgerðum í hásæti.

KONTAKT

Havnar Fysioterapi
Tinghúsvegur 72
tel. 312131  fax. 322331
Opið: mán-hós 8-16.30

 fríggjadag 8-16.00
fysioterapi@fysioterapi.fo


BÓLKAVENJINGAR

Vit geva tilboð til viðskiftafólk okkara uppá bólkavenjingar, sum bæði venda sær til arbeiðspláss, ítróttarfeløg og onnur, ið hava brúk fyri serkønari hjálp.
Meira um hetta undir bólkavenjing. les meira her

Kunning

30. juli 2014

Mikudagin 30. juli er klinikkin stongd.

Opið er aftur sum vanligt hósdagin 31. juli kl. 08.00.

Blíðar heilsanir og góða Ólavsøku.

Havnar Fysioterapi



10. juni 2014

Beinta í farloyvi


Frá í dag 10. juni til 31. desembur er Beinta B. Laursen í barsilsfarloyvi. Vit ynskja henni og familjuni alt tað besta hesa tíðuna og gleða okkum til at síggja Beintu aftur í góðum arbeiðsformi í 2015.


4. apríl 2014


Sarita V. Vesturtún hevur verið á McKenzie part B skeiði seinastu 4 dagarnar og kemur aftur á klinikkin í komandi viku við massar av insperatión.


1. apríl 2014

Havnar Fysioterapi er frá í dag góðkend sum "Certified McKenzie Clinic" . 

Certified McK Clinics.pdf(1,72 MB) 

Hetta merkir at Havnar Fysioterapi kemur á altjóða listan hjá MII (McKenzie Institute International) yvir góðkendar McMenzie Klinikkir. Tað eru strong krøv fyri at sleppa á henda lista. Fyri tað fyrsta er krav um at minnst ein av fysioterapeutunum (ella lækni / kiropraktor ) hevur endaligu universitietsútbúgvingina í Mechanical Diagnosis and Therapy, Dip.MDT. Fyri tað næsta skal klinikkin hava ein útbúgvingarpolitikk innan Mechanical Diagnosis and  Therapy, McKenzie Klassifikatiónssystemið og annars nýtta MDT sum fyrsta væl tá fólk skulu kannast og viðgerðast fyri muskoloskeletalar trupuleikar.

Hesi krøv nøktar Havnar Fysioterapi til fulnar. Sum ein av teim knapp fimmhundrað fysioterapeutum, kiropraktorum og læknum kring knøttin, og sum tann einasti í Føroyum, hevur Klæmint Isaksen Dip. MDT, tað fullu universitetsútbúgvingina í Mechanical Diagnosis and Therapy. Umframt hetta hava Hjørleif NIclasen Cert.MDT, Beinta B. Laursen Cert.MDT og Brian Fossabrúgv Cert.MDT grundútbúgvingina í McKenzie Klassifikatiónssysteminum, Cert. MDT. Og sum tann nýggjasti fysioterapeuturin á klinikkini er Sarita V. Vesturtún longu gott í gongd við grundútbúgvingina og um alt gongst henni væl, verður hon liðug um 1,5 - 2 ár.

Vit á Havnar Fysioterapi kunnu sostatt tryggja øllum, ið koma á klinikkina, at tey vera kannaði og viðgjørd við best dokumenteraða kanningarháttinum innan muskoloskeletala umráðnum yvirhøvur, nevnliga McKenzie Klassifikatiónssystemið.

Einans fysioterapeutar (ella læknar / kiropraktorar), sum hava klára próvtøkurnar í grundútbúgvingini og bera heitið Cert.MDT, og serliga fysioterapeutar / læknar / kiropraktorar, ið hava endaligu útbúgvingina og bera heitið Dip.MDT kunnu til fulnar veita hesa kanning og viðgerð.

Sí listan yvir "Certified McKenzie Clinics" við at trýsta á leinkina niðanfyri og síðan á Clinics ovast á bjálkanum:

http://mckenziemdt.org/intAbout.cfm


25. mars 2014

21. og 22. mars vóru Hjørleif og Klæmint í Kolding DK til "Jubilæummskonferencu" hjá DSMDT (Dansk Selskab for Mekanisk Diagnostik og Terapi). Høvuðsevnið var Mechanical Diagnosis and Therapy (MDT) og ekstremitetarnir. Fokus var mest á økslini og fyri ikki at stæra seg blindan uppá MDT, var akslaserfrøðingurin Dr. Jeremy Lewis, sum er fysioterapeutur, doctor, Phd., consulting professor, master of science i muskuloskeletal fysioterapi, diplomútbugvin í manipulativ fysioterapi og sportsfysioterapi, boðin við sum ein av keynote speakers'. Serliga hansara teoretiska framløga var sera áhugaverd og tað ið vit sum fysioterapeutar fingu við okkum heim var veruliga at ansa eftir ikki at "loada" spengur og hart undir uppvenjing í tí reaktivu fasuni. Vit tosa um sera lága dosis og sum heild skulu vit nokk ikki brúka útatrotatiónsvenjingar líka nógv sum tað hevur verið gjørt seinastu nógvu árini.

Ein av hinum áhugaverdu keynote speakers' var fysioterapeuturin Scott Hebowy Dip.MDT, sum er ein av mest erfarnu MDT klinikarunum innan akslaøkið. Tað var heilt fantastiskt at síggja hann "in action" og har var nógv gott praktiskt at heinta.


30. januar 2014

Hjørleif Niclasen er á Árskongress hjá Dansk Idrætsfysioterapi. Vit gleða okkum at hoyra um nakað nýtt og spennandi er á tí frontinum.


23. septembur 2013

Sarita V. Vesturtún hevur seinastu dagarnar verið á sínum fyrsta McKenzie-skeiðið, og er sostatt longu komin í gongd við grundútbúgvingina í Mechanical Diagnosis and Therapy. Um alt gongur eftir ætlan hjá Saritu kann hon takað Credential eksamiuna um uml. 2 ár. So hetta er í samsvar við politikkin hjá Havnar Fysioterapi, um at allir fysioterapeutar á klinikkini skulu sum minimum hava útbúgvingina Cert. MDT og annars sum heild javnan ganga til viðkomandi skeiðir og útbúgvingar.

Umframt Saritu, sum nú er í gongd við eftirútbúgvingina, hava Hjørleif Niclasen, Beinta B. Laursen og Brian Fossabrúgv tikið Cert.MDT eksaminuna.

Harafturat hevur Klæmint Isaksen, sum tann einasti í Føroyum, tikið endaligu útbúgvingina Diploma in Mechanical Diagnosis and Therapy. 



2. septembur 2013

Opið hús !

Sunnudagin 8. septembur er Altjóða Fysioterapi dagur. Í tí sambandi hava vit opið hús millum kl. 14.00 - 16.00. Verið vælkomin inn á gólvi hjá okkum fyri at hoyra hvat vit kunnu bjóða innan kanningar, viðgerðir, venjingar v.m. Um áhugi er fyri tí, kannst tú royna onkrar av okkara testum.

Vit bjóða kaffi, te, vatn og frukt.



27. mai 2013

Sarita V. Vesturtún byrjar á Havnar Fysioterapi

Mikudagin 29. mai byrjar Sarita V. Vesturtún at arbeiða á Havnar Fysioterapi. .....


15. mai 2013

Robin McKenzie

Robin A. McKenzie deyður.

Ein av teimum pesónunum, sum hevur havt allarstórstan týdning fyri at vit í dag kunnu kannað og viðgerða fólk við muskoloskeletalum (beinagrind, vøddar v.m.) trupuleikum á ein vældokumenteraðan og effektivan hátt, er deyður. Robin Anthony McKenzie andaðist 13. mai 2013 í heimið sínum í New Zealandi, 82 ára gamal, eftir at hava verið sjúkur av krabbameini í longri tíð.

Robin Anthony McKenzie, O.B.E., F.C.S.P., F.N.Z.S.P. (HON), DIP. MT, var ein av teimum heilt stóru visionerunum innan muskoloskeletala umráði, og er sera nógv virdur millum fakfólk og sjúklingum. Hann gjørdist eisini heiðurslimur innan fakliga umráði í fleiri londum, og í 1990 fekk hann heiðurin Officer of the Most Excellent British Empire.

Frá seinast í fimtiárunum útviklaði og menti hann ein kanningar- og viðgerðarhátt, sum í dag er tann best dokumenteraði hátturin at kannað og viðgerða flestu muskoloskeletalar trupuleikar uppá. Systemið verður vanliga kallað McKenzie-metodan ella Mechanical Diagnosis and Therapy, og klassifikatiónssystemið verður meira og meira býtt av læknum, kiripraktorum og fysioterapeutum, sum nema sær hesa serútbúgving. Bert fakpersónar við heitunum Cert. MDT ella Dip. MDT kunnu veruliga nýta hetta klassifikatiónssystemið. Fakpersónar við heitinum Dip. MDT hava hægstu útbúgving inna hetta umráðið.

Meira er at lesa um Robin A. McKenzie og Mechanical Diagnosi and Therapy á ávíkavist http://www.mckenziemdt.org/robin.cfm  og  http://www.mckenziemdt.org/

18. februar 2013

Vága Fysioterapi stongir 27. februar 2013. 

Vegna broyttar umstøður á Vága Fysioterapi og øktum virksemi á Havnar Fysioterapi, hava vit valt at samlað alt okkara virksemi á Havnar Fysioterapi. Sostatt stongir Vága Fysioterapi mikudagin 27. februar 2013.

Fólk í Vágum, ið hava brúk fyri fysioterapi, eru sjálvandi vælkomin at fáa kanningar og viðgerðir gjørdar hjá okkum á Havnar Fysioterapi, tlf. 312131.

Vit vilja nýta høvi at takka øllum fyri gott samstarv øll árini vit hava havt klinikkina og vóna at samstarvið kann halda fram á Havnar Fysioterapi.


5. novembur 2012

 Mynd: Dr. Nadine Foster

Í døgunum 5. til 7. oktobur 2012 var Klæmint Isaksen Dip. MDT á altjóða ráðstevnuni hjá McKenzie Institute International, sum var hildin í Austin Texas í USA. Hettar var sera áhugavert, og ikki minnst vísti, at Mechanical Diagnosis and Therapy er heilt í front tá tað kemur til dokumentatión av muskuloskeletalum kanningum og viðgerðum.

Referatir og annað sæst her...Ymiskt Fakligt  

1. novembur 2012

Hallgerð Bjartalíð, sum hevur arbeitt á Havnar Fysioterapi síðan 2006, arbeiðir ikki á klinikkin meira. Vit takka Halgerð fyri tíðina hjá okkum og ynskja henni og hennara alt tað besta framyvir.


17. august 2012


Hjørleif Niclasen hevur í dag lokið prógv í "Master in Fitness and Exercise" við Syddansk Universitet í Odense. Heitið á Masterprojektinum var "Compliance in Primary Care". - Tillukku Hjørleif !


19. juli 2012

Klæmint verður á altjóða ráðstevnuni hjá The McKenzie Institute International, sum verður hildin í Austin, Texas, USA, í døgunum 5-7 oktobur 2012. Les meira um ráðstevnuna við at trýsta á myndini niðanfyri.

30. mai 2012:

Brian Fossabrúgv við U-21 landsliðnum

23. mai 2012:

Í dag hevur Klæmint Isaksen fingið prógv í hægstu útbúgvingini innan Mechanical Diagnosis and Therapy og hann ber nú heiti Dip.MDT

20. apríl 2012:

Maria, Beinta og Brian fingið credential prógv í MDT



VIT BJÓÐA M.A.